Ukwiγ-d s'bah' tafejrit, nniγ-as ad sefruγ,
ad i teţţrağğu tewriqt, turğğa d-acu ad as h'kuγ,
ugwadγ ad bduγ tira wis allaγ ma d yeţţekki,
ahat yesarem tejra γer lğğedra-s ad yeteki,
tawriqt tacebh'ant tesbek, leqlam yugwi a-ţţ-yesebrek,
i εerq a d-ninni asagi i nekr id'elli,
i εerq a d-ninni asa yenekr-it yid'elli,

mi d-tleh'q ţţnas'fa b-was dmeγ-d leqlam daγenni,
wallaγ tawriqt n snitra ma d-tira naγ d-aγenni,
ugwin a d-net'qen lexyud' s-s'ut-nni sarameγ,
d-acu d-id rran leh'yud', siwa s'ut aqdim i sneγ,
tawriqt tacebh'ant tesbek, leqlam yugwi a-ţţ-yesebrek,
i εerq a naru, leqlam yeh'eznen yeţţru,
i snitra i cenun, lexyud' i h'eznen la ţţrun,

tameddit mi yuγaleγ γer tewriqt i di yurğğan,
ţţnadiγ anda yafeγ imeslayen i di yeğğan,
sawalγ-asen s-snitra, saεewz'egn ugwin-iyi,
id' felli tura ig bda, s-εawaz yegun-iyi,
tawriqt tacebh'ant tesbek, leqlam yugwi a-ţţ-yesebrek,
aεwaz yiwiyi, isefra γunzan-iyi,
d-uεwaz a nennaγ, isefra γunzan-anneγ,

waqila fehmeγ tura tamsalt anida tεeweq,
mi ruh'eγ ad bduγ tira allaγ-iw ad i seweq,
yetsewiq s-ayen it yebwin, i h'ulfa s-the'jurt mi txus',
yewεer ma yehlek meskin yiwen seg d'ud'an ufus,
tawriqt tacebh'ant tesbek, leqlam yugwi a-ţţ-yesebrek,
iγed'r-ik lh'al, a yimmi ig γunza wawal,
iγed'r-ik zman, arğğu ma d-s'egmen wusan,

kerγ ad fγeγ dayen allaγ yegum a d-yinni,
ull'aken εawdeγ daγen rziγ af tewriqt-nni,
ufiγ degs segment tira kra id h'kiγ, yersed fellas,
amzun γer lxid' tcuba γef rsent tfirellas,
tawriqt tacebh'ant tecbek, s-leqlam tulliţţ tebrek,
m-ig εerq a d-ninni , asefru ad aγ d-yesmekti,
mi nruh' a neţţu ad aγ d-inebc usefru…


Lounis Ait Menguellet
Tawriqt tacebh'ant
2010



Transcription : Icerfan